3 ܘܓܪܘܿܫ ܪܘܼܡܚܵܐ ܘܕܒ݂ܘܿܩ ܠܐܘܼܪܚܵܐ ܕܢܵܦܠܵܢܹ̈ܐ ܒܵܬܪܝܼ، ܐܡܘܿܪ ܠܓܵܢܝܼ: ”ܐܵܢܵܐ ܝܘܸܢ ܦܘܼܪܩܵܢܵܟ݂ܝ.“
4 ܢܵܟ݂ܦܝܼ ܘܦܵܝܫܝܼ ܡܘܼܢܟܸܦܹܐ ܛܵܥܝܵܢܹ̈ܐ ܠܓܵܢܝܼ، ܦܵܝܫܝܼ ܡܘܼܕܸܪܹܐ ܠܒܵܬܪܵܐ ܘܡܘܼܢܟܸܦܹܐ ܐܵܢܝܼ ܕܬܲܚܡܘܼܢܹܐ ܝܢܵܐ ܠܸܥܒ݂ܵܕܵܐ ܒܝܼܫܬܵܐ ܥܲܠܝܼ.
5 ܗܵܘܝܼ ܐܲܝܟ݂ ܬܸܒ݂ܢܵܐ ܩܲܕܡ ܦܵܘܚܵܐ، ܘܡܲܠܲܐܟ݂ܵܐ ܕܡܵܪܝܵܐ ܚܲܪܙܘܼܦܵܝ.
6 ܗܵܘܝܵܐ ܐܘܼܪܚܵܝܗܝ ܚܸܫܟܵܐ ܘܡܲܓ̰ܪ̈ܲܛܝܵܬܹܐ، ܘܡܲܠܲܐܟ݂ܵܐ ܕܡܵܪܝܵܐ ܒܸܢܦܵܠܵܐ ܒܵܬܪܵܝܗܝ.
7 ܒܗ̇ܝ ܕܠܵܐ ܥܸܠܬܵܐ ܛܘܼܫܹܐ ܠܗܘܿܢ ܐܸܠܝܼ ܓܲܪܕܵܝܗܝ، ܕܠܵܐ ܥܸܠܬܵܐ ܚܦܝܼܪܗܘܿܢ ܓܘܼܒܵܐ ܠܓܵܢܝܼ.
8 ܐܵܬܹܐ ܥܲܠܘܼܗܝ ܚܪܵܒ݂ܵܐ ܒܠܵܐ ܣܦܵܪܬܵܐ، ܕܵܒܹܩ ܐܸܠܹܗ ܓܲܪܕܵܐ ܕܛܘܼܫܹܐ ܠܹܗ، ܢܵܦܹܠܔ ܒܝܼܹܗ ܠܚܪܵܒ݂ܵܐ.
9 ܘܓܵܢܝܼ ܒܸܬ ܦܵܨܚܵܐ ܒܡܵܪܝܵܐ، ܦܨܵܚܵܐ ܒܸܬ ܦܵܨܚܵܐ ܒܦܘܼܪܩܵܢܹܗ.
10 ܟܠܵܗ̇ ܓܵܢܝܼ ܒܸܬ ܐܵܡܪܵܐ: ”ܝܵܐ ܡܵܪܝܵܐ، ܡܵܢܝܼ ܐܝܼܬ ܐܲܝܟ݂ ܕܝܼܘܼܟ݂؟ ܦܲܨܝܵܢܵܐ ܠܡܸܣܟܹܢܵܐ ܡ̣ܢ ܚܲܕ ܒܘܼܫ ܙܲܪܒܵܢܵܐ ܡܸܢܹܗ، ܘܠܡܸܣܟܹܢܵܐ ܘܠܣܢܝܼܩܵܐ ܡ̣ܢ ܚܵܛܘܿܦܹܗ.“
