2 ܕܒ݂ܘܿܩ ܡܵܛܵܠܵܐ ܘܣܲܟܪܵܐ، ܘܩܘܼܡ ܠܗܲܝܲܪܬܝܼ.
3 ܘܓܪܘܿܫ ܪܘܼܡܚܵܐ ܘܕܒ݂ܘܿܩ ܠܐܘܼܪܚܵܐ ܕܢܵܦܠܵܢܹ̈ܐ ܒܵܬܪܝܼ، ܐܡܘܿܪ ܠܓܵܢܝܼ: ”ܐܵܢܵܐ ܝܘܸܢ ܦܘܼܪܩܵܢܵܟ݂ܝ.“
4 ܢܵܟ݂ܦܝܼ ܘܦܵܝܫܝܼ ܡܘܼܢܟܸܦܹܐ ܛܵܥܝܵܢܹ̈ܐ ܠܓܵܢܝܼ، ܦܵܝܫܝܼ ܡܘܼܕܸܪܹܐ ܠܒܵܬܪܵܐ ܘܡܘܼܢܟܸܦܹܐ ܐܵܢܝܼ ܕܬܲܚܡܘܼܢܹܐ ܝܢܵܐ ܠܸܥܒ݂ܵܕܵܐ ܒܝܼܫܬܵܐ ܥܲܠܝܼ.
5 ܗܵܘܝܼ ܐܲܝܟ݂ ܬܸܒ݂ܢܵܐ ܩܲܕܡ ܦܵܘܚܵܐ، ܘܡܲܠܲܐܟ݂ܵܐ ܕܡܵܪܝܵܐ ܚܲܪܙܘܼܦܵܝ.
6 ܗܵܘܝܵܐ ܐܘܼܪܚܵܝܗܝ ܚܸܫܟܵܐ ܘܡܲܓ̰ܪ̈ܲܛܝܵܬܹܐ، ܘܡܲܠܲܐܟ݂ܵܐ ܕܡܵܪܝܵܐ ܒܸܢܦܵܠܵܐ ܒܵܬܪܵܝܗܝ.
7 ܒܗ̇ܝ ܕܠܵܐ ܥܸܠܬܵܐ ܛܘܼܫܹܐ ܠܗܘܿܢ ܐܸܠܝܼ ܓܲܪܕܵܝܗܝ، ܕܠܵܐ ܥܸܠܬܵܐ ܚܦܝܼܪܗܘܿܢ ܓܘܼܒܵܐ ܠܓܵܢܝܼ.
8 ܐܵܬܹܐ ܥܲܠܘܼܗܝ ܚܪܵܒ݂ܵܐ ܒܠܵܐ ܣܦܵܪܬܵܐ، ܕܵܒܹܩ ܐܸܠܹܗ ܓܲܪܕܵܐ ܕܛܘܼܫܹܐ ܠܹܗ، ܢܵܦܹܠܔ ܒܝܼܹܗ ܠܚܪܵܒ݂ܵܐ.
9 ܘܓܵܢܝܼ ܒܸܬ ܦܵܨܚܵܐ ܒܡܵܪܝܵܐ، ܦܨܵܚܵܐ ܒܸܬ ܦܵܨܚܵܐ ܒܦܘܼܪܩܵܢܹܗ.
10 ܟܠܵܗ̇ ܓܵܢܝܼ ܒܸܬ ܐܵܡܪܵܐ: ”ܝܵܐ ܡܵܪܝܵܐ، ܡܵܢܝܼ ܐܝܼܬ ܐܲܝܟ݂ ܕܝܼܘܼܟ݂؟ ܦܲܨܝܵܢܵܐ ܠܡܸܣܟܹܢܵܐ ܡ̣ܢ ܚܲܕ ܒܘܼܫ ܙܲܪܒܵܢܵܐ ܡܸܢܹܗ، ܘܠܡܸܣܟܹܢܵܐ ܘܠܣܢܝܼܩܵܐ ܡ̣ܢ ܚܵܛܘܿܦܹܗ.“
11 ܟܹܐ ܩܵܝܡܝܼ ܣܵܗܕܹ̈ܐ ܣܸܪ̈ܝܹܐ، ܟܹܐ ܨܲܚܨܹܐ ܠܝܼ ܒܘܼܬ ܡܸܢܕܝܼ ܕܠܹܐ ܝܵܕܥܹܢ.
12 ܟܹܐ ܦܵܪܥܝܼ ܠܝܼ ܒܝܼܫܬܵܐ ܡܓܹܒܵܐ ܕܛܵܒ݂ܬܵܐ، ܠܸܥܒ݂ܵܕܘܼܗ̇ ܡܘܼܫܲܡܸܪ ܓܵܢܝܼ.
13 ܐܝܼܢܵܐ ܐܵܢܵܐ، ܟܲܕ ܡܪܝܼܥ ܠܗܘܿܢ ܠܒ݂ܝܼܫ ܠܝܼ ܣܲܩܵܐ، ܡܘܼܥܝܸܩܵܐ ܠܝܼ ܒܨܵܘܡܵܐ ܓܵܢܝܼ، ܘܨܠܘܿܬܝܼ ܠܚܦܵܩܝܼ ܕܝܼܪܵܗ̇.
14 ܐܲܝܟ݂ ܠܚܲܒ݂ܪܝܼ، ܐܲܝܟ݂ ܠܐܲܚܘܿܢܝܼ، ܚܕܝܼܪܝܼ ܠܸܥܒ݂ܵܕܵܐ ܐܸܒ݂ܠܵܐ، ܐܲܝܟ݂ ܥܵܒ݂ܕܵܢܵܐ ܕܬܵܥܙܝܼ ܠܝܸܡܵܐ، ܠܒ݂ܝܼܫܵܐ ܟܘܼܡܵܐ، ܡܘܼܟܸܦܵܐ ܠܝܼ ܓܵܢܝܼ.
