4 ܣܵܒܵܒ ܬܪܘܼܨܵܐ ܝܠܹܗ ܚܲܒܪܵܐ ܕܡܵܪܝܵܐ، ܘܒܡܗܘܼܡܢܘܼܬܵܐ ܝܠܹܗ ܟܠܹܗ ܦܘܼܠܚܵܢܹܗ.
5 ܟܹܐ ܡܲܚܸܒ ܙܲܕܝܼܩܘܼܬܵܐ ܘܕܝܼܘܵܢ، ܡܠܝܼܬܵܐ ܝܠܵܗ̇ ܐܲܪܥܵܐ ܛܲܝܒܘܼܬܵܐ ܕܡܵܪܝܵܐ.
6 ܒܗܹܡܸܙܡܵܢ ܕܡܵܪܝܵܐ ܫܡܲܝܹ̈ܐ ܦܝܼܫ ܠܗܘܿܢ ܥܒ݂ܝܼܕܹܐ، ܒܢܫܲܡܬܵܐ ܕܦܘܼܡܹܗ ܟܠܹܗ ܚܲܝܠܵܘܵܬܵܝ̈ܗܝ.
7 ܟܹܐ ܓ̰ܲܡܸܥ ܐܲܝܟ݂ ܩܘܼܚܵܐ ܡ̈ܝܼܵܐ ܕܝܵܡܵܐ، ܟܹܐ ܡܲܬܸܒ݂ ܒܐܲܢܒܵܪܹ̈ܐ ܬܗܘܿܡܹ̈ܐ.
8 ܙܵܕܥܵܐ ܡ̣ܢ ܡܵܪܝܵܐ ܟܠܵܗ̇ ܐܲܪܥܵܐ، ܡܸܢܹܗ ܪܲܬܪܸܬܝܼ ܟܠܵܝܗܝ ܥܵܡܪ̈ܵܢܹܐ ܕܒܪܝܼܬܵܐ.
9 ܣܵܒܵܒ ܗ̇ܘ ܐܡܝܼܪܹܗ ܘܗܘܹܐ ܠܵܗ̇، ܗ̇ܘ ܦܩܝܼܕ ܠܹܗ ܘܟܠܹܐ ܠܵܗ̇.
10 ܡܵܪܝܵܐ ܟܹܐ ܫܵܡܹܛ ܡܸܠܟܵܐ ܕܐܸܡܘܵܬܹ̈ܐ، ܟܹܐ ܒܲܛܸܠܔ ܚܘܼܫܵܒܹ̈ܐ ܕܥܲܡܡܹ̈ܐ.
11 ܡܸܠܟܵܐ ܕܡܵܪܝܵܐ ܠܥܵܠܲܡ ܒܸܬ ܟܵܠܹܐ، ܚܘܼܫܵܒܹ̈ܐ ܕܠܸܒܹܗ ܠܕܵܪܵܐ ܘܕܵܪܵܐ.
12 ܛܘܼܒ݂ܵܐ ܠܐܘܼܡܬܵܐ ܕܡܵܪܝܵܐ ܝܠܹܗ ܐܲܠܵܗܘܼܗ̇، ܥܲܡܵܐ ܕܓܘܼܒܹܐ ܠܹܗ ܠܝܵܪܬܘܼܬܵܐ ܐܸܠܹܗ،
13 ܡ̣ܢ ܫܡܲܝܵܐ ܓܘܼܫܸܩ ܠܹܗ ܡܵܪܝܵܐ، ܚܙܹܐ ܠܹܗ ܠܟܠܵܝܗܝ ܒܢܲܝ̈ܢܵܫܵܐ،
14 ܡ̣ܢ ܕܘܼܟܵܐ ܕܝܬܵܒ݂ܬܹܗ ܚܝܼܪܹܗ ܥܲܠܔ ܟܠܵܝܗܝ ܥܵܡܪ̈ܵܢܹܐ ܕܐܲܪܥܵܐ،
15 ܓܵܒ݂ܠܵܢܵܐ ܕܠܸܒܵܐ ܕܟܠܵܝܗܝ، ܗ̇ܘ ܕܦܲܪܡܹܐ ܟܠܵܝܗܝ ܥܒ݂ܵܕܵܝ̈ܗܝ.
