3 ܐܸܢ ܫܵܪܝܵܐ ܥܲܠܝܼ ܡܲܫܪܝܼܬܵܐ، ܠܹܐ ܙܵܕܹܥ ܠܸܒܝܼ؛ ܐܸܢ ܩܵܐܹܡ ܥܲܠܝܼ ܦܠܵܫܵܐ، ܗܸܫ ܐܵܢܵܐ ܒܣܲܒ݂ܪܵܐ ܝܘܸܢ.
4 ܚܕܵܐ ܛܠܵܒܬܵܐ ܥܒ݂ܝܼܕ ܠܝܼ ܡ̣ܢ ܡܵܪܝܵܐ، ܠܗ̇ܝ ܒܸܬ ܛܵܥܹܝܢ: ܕܝܵܬܒܹܢ ܒܒܲܝܬܵܐ ܕܡܵܪܝܵܐ ܟܠܵܝܗܝ ܝܵܘܡܵܢܹ̈ܐ ܕܚܲܝܝܼ̈؛ ܠܸܚܙܵܝܵܐ ܒܲܣܝܼܡܘܼܬܵܐ ܕܡܵܪܝܵܐ، ܘܠܦܲܪܦܘܼܠܹܐ ܒܗܲܝܟܠܹܗ.
5 ܣܵܒܵܒ ܒܸܬ ܛܲܫܹܐ ܠܝܼ ܒܡܛܲܠܠܹܗ ܒܝܵܘܡܵܐ ܕܒܝܼܫܬܵܐ، ܒܸܬ ܟܲܣܹܐ ܠܝܼ ܒܣܸܬܵܪܵܐ ܕܡܲܫܟܢܹܗ، ܥܲܠܔ ܐܝܼܨܵܪܵܐ ܒܸܬ ܡܲܪܸܡ ܠܝܼ.
6 ܘܐܵܕܝܼܵܐ ܒܸܬ ܦܵܐܹܫ ܡܘܼܪܡܵܐ ܪܹܝܫܝܼ ܥܸܠܸܠܔ ܡ̣ܢ ܕܸܫ̃ܡܸܢܝܼ̈ ܕܠܚܵܕܸܪ̈ܘܵܢܝܼ، ܘܒܸܬ ܕܵܒ݂ܚܹܢ ܒܡܲܫܟܢܹܗ ܕܸܒ݂ܚܹ̈ܐ ܟܲܕ ܫܲܒܘܼܚܹܐ، ܒܸܬ ܫܲܒܚܸܢ ܘܒܸܬ ܙܵܡܪܹܢ ܠܡܵܪܝܵܐ.
7 ܫܡܹܥ ܡܵܪܝܵܐ ܩܵܠܝܼ ܐܝܼܡܲܢ ܕܩܵܪܹܝܢ، ܘܪܲܚܸܡ ܥܲܠܝܼ ܘܓ̰ܲܘܸܒ ܠܝܼ.
8 ܐܝܼܡܲܢ ܕܐܡܝܼܪܘܼܟ݂: ”ܛܥܹܝܡܘܼܢ ܐܸܠܝܼ،“ ܐܡܝܼܪܹܗ ܐܸܠܘܼܟ݂ ܠܸܒܝܼ: ”ܐܸܠܘܼܟ݂، ܝܵܐ ܡܵܪܝܵܐ، ܒܸܬ ܛܵܥܹܝܢ.“
9 ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، ܠܵܐ ܡܲܕܸܪܸܬ ܠܹܗ ܪܹܓܘܼܟ݂ ܒܟܲܪܒܵܐ، ܗܲܝܲܪܬܝܼ ܗܘܹܐ ܠܘܼܟ݂، ܠܵܐ ܪܲܦܹܝܬ ܠܝܼ ܘܠܵܐ ܫܵܒ݂ܩܹܬ ܠܝܼ، ܝܵܐ ܐܲܠܵܗܵܐ ܕܦܘܼܪܩܵܢܝܼ؛
