5 ܣܢܹܐ ܠܝܼ ܠܟܢܘܼܫܝܵܐ ܕܥܵܒ݂ܕܵܢܹ̈ܐ ܕܒܝܼܫܬܵܐ، ܘܥܲܡ ܪ̈ܲܫܝܼܥܹܐ ܠܹܐ ܝܵܬܒܹܢ.
6 ܒܸܬ ܚܲܠܸܠܸܢ ܒܙܲܟܵܝܘܼܬܵܐ ܐܝܼܕܵܬܝܼ̈، ܘܚܵܕܪܹܢ ܠܚܵܕܸܪ̈ܘܵܢܹܐ ܕܡܲܕܒܚܘܼܟ݂، ܝܵܐ ܡܵܪܝܵܐ،
7 ܠܡܲܫܡܘܼܥܹܐ ܩܵܠܵܐ ܕܫܲܟܲܪܬܵܐ، ܘܠܗܲܩܘܼܝܹܐ ܟܠܵܝܗܝ ܥܲܓ̰ܝܼܒܘܼܝܵܬܘܼ̈ܟ݂.
8 ܝܵܐ ܡܵܪܝܵܐ، ܡܘܼܚܸܒ ܠܝܼ ܠܡܲܥܡܪܵܐ ܕܒܲܝܬܘܼܟ݂، ܕܘܼܟܵܐ ܕܫܵܪܹܐ ܫܘܼܒ݂ܚܘܼܟ݂.
9 ܠܵܐ ܛܲܠܩܸܬ ܠܵܗ̇ ܓܵܢܝܼ ܥܲܡ ܚܲܛܵܝܹ̈ܐ، ܐܵܦܠܵܐ ܚܲܝܝܼ̈ ܥܲܡ ܫܲܦܟ݂ܵܢܹ̈ܐ ܕܕܸܡܵܐ،
10 ܐܲܝܢܝܼ ܕܒܐܝܼܕܵܝ̈ܗܝ ܐܝܼܬ ܨܢܝܼܥܘܼܬܵܐ، ܘܝܲܡܝܼܢܵܝܗܝ ܡܠܝܼܬܵܐ ܝܠܵܗ̇ ܪܸܫܘܲܬ.
11 ܐܝܼܢܵܐ ܐܵܢܵܐ، ܒܬܲܡܝܼܡܘܼܬܝܼ ܒܸܬ ܚܵܕܪܹܢ، ܦܲܪܸܩ ܠܝܼ ܘܪܲܚܸܡ ܥܲܠܝܼ.
12 ܐܲܩܠܝܼ ܟܠܹܐ ܠܵܗ̇ ܒܕܘܼܟܵܐ ܬܪܘܼܨܬܵܐ، ܓܵܘ ܟܸܢܫܹ̈ܐ ܒܸܬ ܒܲܪܟܸܢ ܠܡܵܪܝܵܐ.
