7 ܚܛܵܗܹ̈ܐ ܕܥܠܲܝܡܘܼܬܝܼ ܘܓܢܵܗܝܼ̈ ܠܵܐ ܕܵܟ݂ܪܹܬ، ܐܲܝܟ݂ ܛܲܝܒܘܼܬܘܼܟ݂ ܕܟ݂ܘܿܪ ܐܸܠܝܼ ܐܲܢ݇ܬ، ܒܘܼܬ ܚܵܬܸܪ ܕܛܵܒ݂ܘܼܬܘܼܟ݂، ܝܵܐ ܡܵܪܝܵܐ.
8 ܛܵܒ݂ܵܐ ܘܬܪܘܼܨܵܐ ܝܠܹܗ ܡܵܪܝܵܐ، ܒܘܼܬ ܐܵܗܵܐ ܟܹܐ ܬܲܠܡܸܕ ܚܲܛܵܝܹ̈ܐ ܒܐܘܼܪܚܵܐ.
9 ܟܹܐ ܡܗܲܕܹܐ ܠܡܲܟܝܼܟܹ̈ܐ ܒܕܝܼܘܵܢ، ܘܡܲܠܸܦ ܠܡܲܟܝܼܟܹ̈ܐ ܐܘܼܪܚܹܗ.
10 ܛܲܝܒܘܼܬܵܐ ܘܫܲܪܝܼܪܘܼܬܵܐ ܝܢܵܐ ܟܠܵܝܗܝ ܐܘܼܪ̈ܚܵܬܹܐ ܕܡܵܪܝܵܐ، ܠܢܵܛܪ̈ܵܢܹܐ ܕܘܲܥܕܹܗ ܘܣܵܗܕܘܵܬܘܼ̈ܗܝ.
11 ܒܘܼܬ ܫܸܡܘܼܟ݂، ܝܵܐ ܡܵܪܝܵܐ، ܫܒ݂ܘܿܩ ܠܥܵܘܠܝܼ ܒܗ̇ܝ ܕܝܼܠܹܗ ܓܘܼܪܵܐ.
12 ܡܵܢܝܼ ܝܠܹܗ ܙܕܝܼܥܵܐ ܕܡܵܪܝܵܐ؟ ܒܸܬ ܡܲܠܸܦ ܠܹܗ ܐܘܼܪܚܵܐ ܕܓܲܒܹܐ.
13 ܓܵܢܹܗ ܒܛܵܒ݂ܬܵܐ ܒܸܬ ܫܵܪܝܵܐ، ܘܙܲܪܥܹܗ ܒܸܬ ܝܵܪܹܬ ܐܲܪܥܵܐ.
14 ܫܵܘܬܵܦܘܼܬܵܐ ܕܡܵܪܝܵܐ ܥܲܡ ܙܕܝܼܥܘܼ̈ܗܝ ܝܠܵܗ̇، ܘܘܲܥܕܹܗ ܒܸܬ ܡܲܕܸܥ ܐܸܠܵܝܗܝ.
