4 ܐܘܼܪ̈ܚܵܬܘܼܟ݂، ܝܵܐ ܡܵܪܝܵܐ، ܡܲܕܸܥ ܠܗܘܿܢ ܐܸܠܝܼ، ܫܒ݂ܝܼܠܘܼ̈ܟ݂ ܡܲܠܸܦ ܠܗܘܿܢ ܐܸܠܝܼ.
5 ܡܲܚܕܸܪܝܼ ܒܫܲܪܝܼܪܘܼܬܘܼܟ݂ ܘܡܲܠܸܦ ܠܝܼ، ܣܵܒܵܒ ܐܲܢ݇ܬ ܝܼܘܸܬ ܐܲܠܵܗܵܐ ܕܦܘܼܪܩܵܢܝܼ، ܐܸܠܘܼܟ݂ ܣܦܝܼܪܝܼ ܟܠܹܗ ܝܵܘܡܵܐ.
6 ܕܟ݂ܘܿܪ ܪ̈ܲܚܡܘܼܟ݂ ܡܵܪܝܵܐ ܘܛܲܝܒܘܼܬܘܼܟ݂، ܣܵܒܵܒ ܡ̣ܢ ܥܵܠܲܡ ܝܼܢܵܐ.
7 ܚܛܵܗܹ̈ܐ ܕܥܠܲܝܡܘܼܬܝܼ ܘܓܢܵܗܝܼ̈ ܠܵܐ ܕܵܟ݂ܪܹܬ، ܐܲܝܟ݂ ܛܲܝܒܘܼܬܘܼܟ݂ ܕܟ݂ܘܿܪ ܐܸܠܝܼ ܐܲܢ݇ܬ، ܒܘܼܬ ܚܵܬܸܪ ܕܛܵܒ݂ܘܼܬܘܼܟ݂، ܝܵܐ ܡܵܪܝܵܐ.
8 ܛܵܒ݂ܵܐ ܘܬܪܘܼܨܵܐ ܝܠܹܗ ܡܵܪܝܵܐ، ܒܘܼܬ ܐܵܗܵܐ ܟܹܐ ܬܲܠܡܸܕ ܚܲܛܵܝܹ̈ܐ ܒܐܘܼܪܚܵܐ.
9 ܟܹܐ ܡܗܲܕܹܐ ܠܡܲܟܝܼܟܹ̈ܐ ܒܕܝܼܘܵܢ، ܘܡܲܠܸܦ ܠܡܲܟܝܼܟܹ̈ܐ ܐܘܼܪܚܹܗ.
10 ܛܲܝܒܘܼܬܵܐ ܘܫܲܪܝܼܪܘܼܬܵܐ ܝܢܵܐ ܟܠܵܝܗܝ ܐܘܼܪ̈ܚܵܬܹܐ ܕܡܵܪܝܵܐ، ܠܢܵܛܪ̈ܵܢܹܐ ܕܘܲܥܕܹܗ ܘܣܵܗܕܘܵܬܘܼ̈ܗܝ.
11 ܒܘܼܬ ܫܸܡܘܼܟ݂، ܝܵܐ ܡܵܪܝܵܐ، ܫܒ݂ܘܿܩ ܠܥܵܘܠܝܼ ܒܗ̇ܝ ܕܝܼܠܹܗ ܓܘܼܪܵܐ.
12 ܡܵܢܝܼ ܝܠܹܗ ܙܕܝܼܥܵܐ ܕܡܵܪܝܵܐ؟ ܒܸܬ ܡܲܠܸܦ ܠܹܗ ܐܘܼܪܚܵܐ ܕܓܲܒܹܐ.
13 ܓܵܢܹܗ ܒܛܵܒ݂ܬܵܐ ܒܸܬ ܫܵܪܝܵܐ، ܘܙܲܪܥܹܗ ܒܸܬ ܝܵܪܹܬ ܐܲܪܥܵܐ.
14 ܫܵܘܬܵܦܘܼܬܵܐ ܕܡܵܪܝܵܐ ܥܲܡ ܙܕܝܼܥܘܼ̈ܗܝ ܝܠܵܗ̇، ܘܘܲܥܕܹܗ ܒܸܬ ܡܲܕܸܥ ܐܸܠܵܝܗܝ.
15 ܥܲܝܢܝܼ̈ ܐܲܡܝܼܢܵܐܝܼܬ ܠܡܵܪܝܵܐ ܝܢܵܐ، ܣܵܒܵܒ ܗ̇ܘ ܒܸܬ ܦܲܠܸܛ ܠܗܘܿܢ ܐܲܩܠܝܼ̈ ܡ̣ܢ ܓܲܪܕܵܐ.
16 ܕܘܼܪ ܠܟܸܣܠܝܼ ܘܪܲܚܸܡ ܥܲܠܝܼ، ܒܗ̇ܝ ܕܒܢܲܦ̮ܫܝܼ ܝܘܸܢ ܘܡܸܣܟܹܢܵܐ.
17 ܥܵܘܩܵܢܹ̈ܐ ܕܠܸܒܝܼ ܙܝܼܕ ܠܗܘܿܢ، ܡ̣ܢ ܐܘܼܠܨܵܢܝܼ ܦܲܠܸܛ ܠܝܼ.
18 ܚܙܝܼ ܥܵܘܩܵܢܝܼ ܘܥܲܡܠܝܼ، ܘܦܲܚܸܠܔ ܠܟܠܵܝܗܝ ܚܛܝܼܵܬܝܼ̈.
19 ܚܙܝܼ ܠܕܸܫ̃ܡܸܢܝܼ̈ ܕܙܝܼܕܹܐ ܝܢܵܐ، ܘܒܣܢܵܝܬܵܐ ܚܸܡܬܵܢܬܵܐ ܩܵܡ ܣܵܢܝܼ ܠܝܼ.
20 ܢܛܘܿܪ ܓܵܢܝܼ ܘܦܲܨܝܼ ܠܝܼ، ܠܵܐ ܫܵܒ݂ܩܹܬ ܢܵܟ݂ܦܹܢ ܒܗ̇ܝ ܕܫܩܝܼܠܔ ܠܝܼ ܓܵܘܣܵܐ ܒܝܼܘܼܟ݂.
