3 ܒܗ̇ܝ ܕܟܹܐ ܡܲܬܦܸܩܸܬ ܒܝܼܹܗ ܒܘܼܪ̈ܟܵܬܹܐ ܛܵܒܹ̈ܐ، ܟܹܐ ܡܲܬܒܸܬ ܒܪܹܝܫܹܗ ܬܵܓ݂ܵܐ ܕܕܲܗܒ݂ܵܐ ܨܸܦܝܵܐ.
4 ܚܲܝܹ̈ܐ ܛܠܝܼܒ ܠܹܗ ܡܸܢܘܼܟ݂ ܘܝܘܼܗܒܹܠܔ ܠܘܼܟ݂ ܐܸܠܹܗ، ܝܵܘܡܵܢܹ̈ܐ ܝܲܪ̈ܝܼܟܹܐ ܠܥܵܠܲܡ ܥܵܠܡܝܼܢ.
5 ܓܘܼܪܵܐ ܝܠܹܗ ܐܝܼܩܵܪܹܗ ܒܦܘܼܪܩܵܢܘܼܟ݂، ܚܸܩܪܵܐ ܘܙܲܗܝܘܼܬܵܐ ܟܹܐ ܡܲܬܒܸܬ ܥܲܠܘܼܗܝ.
6 ܒܗ̇ܝ ܕܟܹܐ ܡܲܬܒܸܬ ܐܸܠܹܗ ܒܘܼܪ̈ܟܵܬܹܐ ܠܥܵܠܲܡ، ܟܹܐ ܡܲܚܕܸܝܬ ܠܹܗ ܒܦܨܵܚܬܵܐ ܕܗܸܙܘܼܪܘܼܟ݂.
7 ܣܵܒܵܒ ܡܲܠܟܵܐ ܒܸܣܒܵܪܵܐ ܝܠܹܗ ܒܡܵܪܝܵܐ، ܘܒܛܲܝܒܘܼܬܵܐ ܕܥܸܠܵܝܵܐ ܠܹܐ ܫܵܥܹܫ.
8 ܡܲܫ݇ܟ̰ܚܵܐ ܐܝܼܕܘܼܟ݂ ܠܟܠܵܝܗܝ ܕܸܫ̃ܡܸܢܘܼ̈ܟ݂، ܝܲܡܝܼܢܘܼܟ݂ ܡܲܫ݇ܟ̰ܚܵܐ ܠܣܵܢܝܵܢܘܼ̈ܟ݂.
9 ܒܸܬ ܥܵܒ݂ܕܹܬ ܠܗܘܿܢ ܐܲܝܟ݂ ܐܲܬܘܼܢܵܐ ܕܢܘܼܪܵܐ ܒܥܕܵܢܵܐ ܕܡܲܒܝܲܢܬܘܼܟ݂، ܡܵܪܝܵܐ ܒܚܸܡܬܹܗ ܒܸܬ ܒܵܠܹܥ ܠܗܘܿܢ، ܘܢܘܼܪܵܐ ܒܸܬ ܐܵܟܹܠܔ ܠܗܘܿܢ.
10 ܝܵܠܵܕ݇ܝ̈ܗܝ ܡ̣ܢ ܐܲܪܥܵܐ ܒܸܬ ܛܲܠܩܸܬ، ܘܙܲܪ̈ܥܵܝܗܝ ܡ̣ܢ ܒܢܲܝ̈ܢܵܫܵܐ.
11 ܒܗ̇ܝ ܕܬܘܼܚܡܸܢܗܘܿܢ ܥܲܠܘܼܟ݂ ܒܝܼܫܬܵܐ، ܚܫܝܼܒ݂ ܠܗܘܿܢ ܦܸܠܡܵܐ، ܐܝܼܢܵܐ ܠܹܐ ܡܵܨܝܼ.
12 ܣܵܒܵܒ ܒܸܬ ܡܲܥܒܸܕܸܬ ܠܗܘܿܢ ܕܥܵܪܩܝܼ، ܩܸܫܬܘܼܟ݂ ܒܸܬ ܗܲܕܪܸܬ ܠܦܵܬܘܵܬܵܝ̈ܗܝ.
13 ܪܘܼܡ، ܝܵܐ ܡܵܪܝܵܐ، ܒܥܘܼܫܢܘܼܟ݂، ܒܸܬ ܫܲܒܚܲܚ ܘܙܵܡܪܲܚ ܓܲܒܵܪܘܼܬܘܼܟ݂.
