8 ܦܘܼܩܵܕܹ̈ܐ ܕܡܵܪܝܵܐ ܬܪ̈ܘܼܨܹܐ ܝܢܵܐ، ܡܲܚܕܝܼܵܢܹ̈ܐ ܕܠܸܒܵܐ، ܦܘܼܩܕܵܢܵܐ ܕܡܵܪܝܵܐ ܕܸܟ݂ܝܵܐ ܝܠܹܗ، ܒܲܗܪܸܢܵܢܵܐ ܕܥܲܝ̈ܢܹܐ.
9 ܙܕܘܼܥܬܵܐ ܕܡܵܪܝܵܐ ܕܟ݂ܝܼܬܵܐ ܝܠܵܗ̇، ܩܲܝܵܡ ܠܥܵܠܲܡ، ܕܝܼܘܵܢܹ̈ܐ ܕܡܵܪܝܵܐ ܫܲܪܝܼܪܹ̈ܐ ܝܢܵܐ، ܙܲܕܝܼܩܹ̈ܐ ܒܟܠܔ ܥܕܵܢܵܐ.
10 ܒܘܼܫ ܫܘܼܗܘܸܬܹܐ ܝܢܵܐ ܡ̣ܢ ܕܲܗܒ݂ܵܐ، ܘܡ̣ܢ ܪܵܒܵܐ ܕܲܗܒ݂ܵܐ ܨܸܦܝܵܐ، ܘܒܘܼܫ ܚܸܠܝܹܐ ܝܢܵܐ ܡ̣ܢ ܕܸܒ݂ܫܵܐ، ܘܡ̣ܢ ܢܵܛܘܿܦܝܵܬܹ̈ܐ ܕܫܵܢܵܐ.
11 ܐܘܼܦ ܪܹܓܘܼܟ݂ ܟܹܐ ܦܵܐܹܫ ܙܗܝܼܪܵܐ ܒܝܼܵܝܗܝ، ܒܢܛܵܪܬܵܝܗܝ ܐܝܼܬ ܦܘܼܪܥܵܢܵܐ ܓܘܼܪܵܐ.
12 ܡܵܢܝܼ ܟܹܐ ܡܵܨܹܐ ܦܲܪܡܹܐ ܚܸܠܛܹܗ؟ ܥܒ݂ܘܿܕ ܠܝܼ ܙܲܟܵܝܵܐ ܡ̣ܢ ܚܛܝܼܵܬܹ̈ܐ ܕܠܵܐ ܒܝܕܵܥܬܝܼ.
13 ܐܘܼܦ ܡ̣ܢ ܚܬܵܪ̈ܝܵܬܹܐ ܚܣܘܿܟ݂ ܠܹܗ ܪܹܓܘܼܟ݂، ܠܵܐ ܫܵܒ݂ܩܹܬ ܗܵܘܹܐ ܠܗܘܿܢ ܫܘܼܠܛܵܢܵܐ ܥܲܠܝܼ، ܗ̇ܝܓܵܗ ܒܸܬ ܗܵܘܹܝܢ ܬܲܡܝܼܡܵܐ، ܘܒܸܬ ܗܵܘܹܝܢ ܙܲܟܵܝܵܐ ܡ̣ܢ ܓܢܵܗܵܐ ܓܘܼܪܬܵܐ.
