27 ܣܵܒܵܒ ܐܲܢ݇ܬ ܟܹܐ ܦܲܪܩܹܬ ܥܲܡܵܐ ܡܸܣܟܹܢܵܐ، ܐܝܼܢܵܐ ܥܲܝ̈ܢܹܐ ܪ̈ܵܡܵܢܹܐ ܟܹܐ ܡܲܟܸܦܸܬ.
28 ܣܵܒܵܒ ܐܲܢ݇ܬ ܟܹܐ ܒܲܗܪܸܢܸܬ ܫܪܵܓ݂ܝܼ، ܡܵܪܝܵܐ ܐܲܠܵܗܝܼ ܟܹܐ ܒܲܗܪܸܢ ܚܸܫܟܝܼ.
29 ܣܵܒܵܒ ܒܝܼܘܼܟ݂ ܡܵܨܹܝܢ ܪܵܚܛܹܢ ܥܲܠܔ ܓܲܝܣܵܐ، ܘܒܐܲܠܵܗܝܼ ܡܵܨܹܝܢ ܫܵܘܪܹܢ ܡܥܲܠܔ ܫܘܼܪܵܐ.
30 ܬܲܡܝܼܡܬܵܐ ܝܠܵܗ̇ ܐܘܼܪܚܵܐ ܕܐܲܠܵܗܵܐ، ܚܲܒܪܵܐ ܕܡܵܪܝܵܐ ܨܘܼܪܸܦܵܐ ܝܠܹܗ، ܡܵܛܵܠܵܐ ܝܠܹܗ ܠܟܠܔ ܡ̇ܢ ܕܫܵܩܹܠܔ ܓܵܘܣܵܐ ܒܝܼܹܗ.
31 ܣܵܒܵܒ ܡܵܢܝܼ ܝܠܹܗ ܐܲܠܵܗܵܐ ܫܒ݂ܘܿܩ ܡ̣ܢ ܡܵܪܝܵܐ؟ ܘܡܵܢܝܼ ܝܠܹܗ ܐܝܼܨܵܪܵܐ ܫܒ݂ܘܿܩ ܡ̣ܢ ܐܲܠܵܗܲܢ؟
32 ܐܲܠܵܗܵܐ ܕܟܹܐ ܡܲܠܒܸܫ ܠܝܼ ܚܲܝܠܵܐ، ܥܒ݂ܝܼܕ ܠܹܗ ܐܘܼܪܚܝܼ ܬܲܡܝܼܡܬܵܐ.
33 ܟܹܐ ܥܵܒܹܕ ܐܲܩܠܵܬܝܼ̈ ܐܲܝܟ݂ ܐܲܩܠܹ̈ܐ ܕܐܲܝ̈ܠܹܐ، ܘܥܲܠܔ ܕܘܼܟܵܢܝܼ̈ ܪ̈ܵܡܹܐ ܟܹܐ ܡܲܟܠܹܐ ܠܝܼ.
34 ܟܹܐ ܬܲܠܡܸܕ ܐܝܼܕܵܬܝܼ̈ ܠܦܠܵܫܵܐ، ܕܡܵܬܚܝܼ ܕܪ̈ܵܥܢܵܢܝܼ ܩܸܫܬܵܐ ܕܢܚܵܫܵܐ.
