4 ܕܵܪܵܐ ܒܸܬ ܫܲܒܸܚ ܦܘܼܠܚܵܢܘܼ̈ܟ݂ ܠܕܵܪܵܐ، ܘܓܲܒܵܪ̈ܘܼܝܵܬܘܼܟ݂ ܒܸܬ ܡܲܕܥܝܼ.
5 ܠܣܸܩܠܵܐ ܕܚܸܩܪܵܐ ܕܫܘܼܒ݂ܚܘܼܟ݂، ܘܥܒ݂ܵܕܘܼ̈ܟ݂ ܡܲܥܓ̰ܸܒܵܢܹ̈ܐ ܒܸܬ ܗܲܓܹܝܢ.
6 ܘܒܘܼܬ ܚܲܝܠܵܐ ܕܥܒ݂ܵܕܘܼ̈ܟ݂ ܣܲܗܡܵܢܹ̈ܐ ܒܸܬ ܐܵܡܪܝܼ، ܘܓܘܼܪܘܼܬܘܼܟ݂ ܒܸܬ ܗܲܩܹܝܢ.
7 ܕܟ݂ܵܪܵܐ ܕܦܸܪܝܘܼܬܵܐ ܕܛܵܒ݂ܘܼܬܘܼܟ݂ ܒܸܬ ܬܲܢܝܼ، ܘܙܲܕܝܼܩܘܼܬܘܼܟ݂ ܒܸܬ ܡܲܩܘܸܚܝܼ.
8 ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܡܵܪܝܵܐ، ܝܲܪܝܼܟ݂ܬܵܐ ܒܹܐܢܹܗ ܘܓܘܼܪܬܵܐ ܛܲܝܒܘܼܬܹܗ.
9 ܛܵܒ݂ܵܐ ܝܠܹܗ ܡܵܪܝܵܐ ܠܟܠܵܝܗܝ، ܘܪ̈ܲܚܡܘܼܗܝ ܥܲܠܔ ܟܠܵܝܗܝ ܦܘܼܠܚܵܢܘܼ̈ܗܝ.
10 ܒܸܬ ܫܲܟܪܝܼ ܠܘܼܟ݂، ܝܵܐ ܡܵܪܝܵܐ، ܟܠܵܝܗܝ ܦܘܼܠܚܵܢܘܼ̈ܟ݂، ܘܡܗܘܼܡܢܘܼ̈ܟ݂ ܒܸܬ ܒܲܪܟ݂ܝܼ ܠܘܼܟ݂.
11 ܒܘܼܬ ܚܸܩܪܵܐ ܕܡܲܠܟܘܼܬܘܼܟ݂ ܒܸܬ ܐܵܡܪܝܼ، ܘܓܲܒܵܪܘܼܬܘܼܟ݂ ܒܸܬ ܗܲܡܙܸܡܝܼ،
12 ܠܡܲܕܘܼܥܹܐ ܠܒܢܲܝ̈ܢܵܫܵܐ ܓܲܒܵܪ̈ܘܼܝܵܬܘܼܟ݂، ܘܚܸܩܪܵܐ ܕܣܸܩܠܵܐ ܕܡܲܠܟܘܼܬܘܼܟ݂.
13 ܡܲܠܟܘܼܬܘܼܟ݂ ܡܲܠܟܘܼܬܵܐ ܥܵܠܡܝܼܢܵܝܬܵܐ ܝܠܵܗ̇، ܘܫܘܼܠܛܵܢܘܼܟ݂ ܒܟܠܔ ܕܵܪܵܐ ܘܕܵܪܵܐ.
14 ܟܹܐ ܣܵܢܹܕ ܡܵܪܝܵܐ ܠܟܠܵܝܗܝ ܢܵܦܠܵܢܹ̈ܐ، ܘܟܹܐ ܡܲܩܸܡ ܠܟܠܵܝܗܝ ܛܥܝܼ̈ܦܹܐ.
15 ܥܲܝ̈ܢܹܐ ܕܟܠܵܝܗܝ ܐܸܠܘܼܟ݂ ܟܹܐ ܣܵܦܪܝܼ، ܘܐܲܢ݇ܬ ܟܹܐ ܝܵܗܒܹܬ ܠܗܘܿܢ ܡܹܐܟ݂ܘܼܠܬܵܝܗܝ ܒܥܕܵܢܘܼܗ̇.
16 ܟܹܐ ܦܵܬܚܹܬ ܐܝܼܕܘܼܟ݂، ܘܟܹܐ ܡܲܣܒܸܥܸܬ ܠܨܸܒ݂ܝܵܢܵܐ ܕܟܠܔ ܚܵܝܵܐ.
17 ܙܲܕܝܼܩܵܐ ܝܠܹܗ ܡܵܪܝܵܐ ܒܟܠܵܝܗܝ ܐܘܼܪ̈ܚܵܬܘܼܗܝ، ܘܡܗܘܼܡܢܵܐ ܒܟܠܵܝܗܝ ܦܘܼܠܚܵܢܘܼ̈ܗܝ.
18 ܩܘܼܪܒܵܐ ܝܠܹܗ ܡܵܪܝܵܐ ܠܟܠܵܝܗܝ ܩܵܪ̈ܝܵܢܘܼܗܝ، ܠܟܠܔ ܡ̇ܢ ܕܩܵܪܹܐ ܠܹܗ ܒܫܲܪܝܼܪܘܼܬܵܐ.
19 ܨܸܒ݂ܝܵܢܵܐ ܕܙܕܝܼܥܘܼ̈ܗܝ ܟܹܐ ܥܵܒܹܕ، ܘܡܲܩܘܲܚܬܵܝܗܝ ܟܹܐ ܫܵܡܹܥ، ܘܟܹܐ ܦܲܪܸܩ ܠܗܘܿܢ.
20 ܟܹܐ ܢܵܛܹܪ ܡܵܪܝܵܐ ܠܟܠܵܝܗܝ ܡܲܚܸܒܵܢܘܼ̈ܗܝ، ܐܝܼܢܵܐ ܠܟܠܵܝܗܝ ܪ̈ܲܫܝܼܥܹܐ ܒܸܬ ܛܲܠܸܩ.
21 ܬܸܫܒܘܿܚܬܵܐ ܕܡܵܪܝܵܐ ܒܸܬ ܗܲܡܙܸܡ ܦܘܼܡܝܼ، ܘܒܸܬ ܒܲܪܟ݂ܵܐ ܟܠܔ ܓܵܢܵܐ ܫܸܡܵܐ ܕܩܘܼܕܫܹܗ ܠܥܵܠܲܡ ܥܵܠܡܝܼܢ.