2 ܕܵܐܟ݂ܝܼ ܕܝܡܹܐ ܠܹܗ ܠܡܵܪܝܵܐ، ܢܕܝܼܪܹܗ ܠܙܲܪܒܵܢܵܐ ܕܝܲܥܩܘܿܒ݂:
3 ”ܠܹܐ ܥܵܒ݂ܪܹܢ ܬܚܘܿܬ ܫܟܘܼܪܹܐ ܕܒܲܝܬܝܼ، ܠܹܐ ܐܵܣܩܹܢ ܥܲܠܔ ܫܘܝܼܬܵܐ ܕܕܡܵܟ݂ܬܝܼ،
4 ”ܠܹܐ ܝܵܗܒܹܢ ܫܸܢܬܵܐ ܠܥܲܝܢܝܼ̈، ܢܵܘܡܵܐ ܠܛܸܠܦܵܦܝܼ̈،
5 ”ܗܲܠܔ ܕܡܲܫ݇ܟ̰ܚܸܢ ܕܘܼܟܬܵܐ ܩܵܐ ܡܵܪܝܵܐ، ܡܲܫܟܢܵܐ ܩܵܐ ܙܲܪܒܵܢܵܐ ܕܝܲܥܩܘܿܒ݂.“
6 ܗܵܐ، ܫܡܝܼܥ ܠܲܢ ܒܘܼܬ ܕܝܼܘܼܗ̇ ܓܵܘ ܐܵܦܲܪܬܵܐ، ܡܘܼܫ݇ܟ̰ܚܵܐ ܠܲܢ ܓܵܘ ܚܲܩܠܵܢܹ̈ܐ ܕܡܲܝܫܵܐ،
7 ܥܵܒ݂ܪܲܚ ܠܡܲܫܟܢܘܼ̈ܗܝ، ܣܵܓ݂ܕܲܚ ܠܓܹܒܵܐ ܕܟܘܼܒ݂ܫܵܐ ܕܐܲܩܠܘܼ̈ܗܝ،
8 ܒܹܐܡܵܪܵܐ: ”ܩܘܼܡ، ܝܵܐ ܡܵܪܝܵܐ، ܠܢܝܵܚܬܘܼܟ݂، ܐܲܢ݇ܬ ܘܩܹܒ݂ܘܼܬܵܐ ܕܙܲܪܒܘܼܟ݂.
9 ”ܟܵܗܢܘܼ̈ܟ݂ ܠܵܒ݂ܫܝܼ ܙܲܕܝܼܩܘܼܬܵܐ، ܘܙܲܕܝܼܩܘܼ̈ܟ݂ ܫܲܒܚܝܼ.“
10 ܒܘܼܬ ܕܵܘܝܼܕ ܪܹܓܘܼܟ݂، ܠܵܐ ܡܲܕܸܪܸܬ ܦܵܬܵܐ ܕܡܫܝܼܚܘܼܟ݂.
11 ܝܡܹܐ ܠܹܗ ܡܵܪܝܵܐ ܠܕܵܘܝܼܕ ܒܫܲܪܝܼܪܘܼܬܵܐ، ܘܠܹܐ ܕܵܐܹܪ ܡܸܢܘܼܗ̇: ”ܡ̣ܢ ܛܥܘܼܢܝܵܬܹ̈ܐ ܕܟܹܪ݇ܣܘܼܟ݂ ܒܸܬ ܡܲܬܒܸܢ ܥܲܠܔ ܟܘܼܪܣܝܘܼܟ݂.
12 ”ܐܸܢ ܢܵܛܪܝܼ ܒܢܘܿܢܘܼ̈ܟ݂ ܘܲܥܕܝܼ، ܘܣܵܗܕܘܵܬܝܼ̈ ܕܡܲܠܦܸܢܗܘܿܢ، ܐܘܼܦ ܒܢܘܿܢܵܝ̈ܗܝ ܠܥܵܠܲܡ ܒܸܬ ܝܵܬܒ݂ܝܼ ܥܲܠܔ ܟܘܼܪܣܝܘܼܟ݂.“
13 ܣܵܒܵܒ ܓܘܼܒܹܐ ܠܹܗ ܡܵܪܝܵܐ ܠܨܸܗܝܘܿܢ، ܫܘܼܗܘܸܬ ܠܹܗ ܕܗܵܘܝܵܐ ܒܹܝܬ ܡܲܥܡܪܹܗ، ܒܹܐܡܵܪܵܐ:
