46 ܘܒܸܬ ܗܲܡܙܸܡܸܢ ܒܘܼܬ ܣܵܗܕܘܵܬܘܼ̈ܟ݂ ܩܲܕܡ ܡܲܠܟܹ̈ܐ، ܘܠܹܐ ܢܵܟ݂ܦܹܢ.
47 ܘܒܸܬ ܩܲܒܠܸܢ ܒܘܼܣܵܡܵܐ ܒܦܘܼܩܕܵܢܘܼ̈ܟ݂ ܕܡܘܼܚܸܒܵܝ ܠܝܼ،
48 ܘܒܸܬ ܡܲܪܡܸܢ ܐܝܼܕܵܬܝܼ̈ ܠܦܘܼܩܕܵܢܘܼ̈ܟ݂ ܕܡܘܼܚܸܒܵܝ ܠܝܼ، ܘܒܸܬ ܗܲܓܹܝܢ ܩܵܢܘܿܢܘܼ̈ܟ݂.
49 ܕܟ݂ܘܿܪܹܗ ܚܲܒܪܘܼܟ݂ ܠܪܹܓܘܼܟ݂، ܗ̇ܘ ܕܒܝܼܹܗ ܩܵܡ ܥܵܒ݂ܕܹܬ ܕܣܵܒܪܹܢ.
50 ܐܵܗܵܐ ܝܠܵܗ̇ ܝܵܗܒ݂ܵܠܬܵܐ ܕܠܸܒܵܐ ܐܸܠܝܼ ܓܵܘ ܐܘܼܠܨܵܢܝܼ، ܣܵܒܵܒ ܗܹܡܸܙܡܵܢܘܼܟ݂ ܩܵܡ ܡܲܚܝܼܵܐ ܠܝܼ.
51 ܚܵܬܪ̈ܵܢܹܐ ܡܘܼܣܚܸܪܗܘܿܢ ܟ̰ܸܡ ܪܵܒܵܐ ܒܝܼܝܼ، ܘܡ̣ܢ ܢܵܡܘܿܣܘܼܟ݂ ܠܵܐ ܩܠܝܼܒ ܠܝܼ.
52 ܕܟ݂ܝܼܪܝܼ ܕܝܼܘܵܢܘܼ̈ܟ݂ ܡ̣ܢ ܥܵܠܲܡ، ܝܵܐ ܡܵܪܝܵܐ، ܘܦܝܼܫ ܠܝܼ ܝܘܼܗܒ݂ܵܐ ܠܸܒܵܐ.
53 ܚܸܡܬܵܐ ܩܵܡ ܕܵܒ݂ܩܵܐ ܠܝܼ ܡ̣ܢ ܥܸܠܬܵܐ ܕܪ̈ܲܫܝܼܥܹܐ ܫܵܒ݂ܩܵܢܹ̈ܐ ܕܢܵܡܘܿܣܘܼܟ݂.
54 ܩܵܢܘܿܢܘܼ̈ܟ݂ ܗܘܹܐ ܠܗܘܿܢ ܙܡܝܼܪ̈ܵܬܹܐ ܐܸܠܝܼ، ܓܵܘ ܒܲܝܬܵܐ ܕܬܵܘܬܵܒ݂ܘܼܬܝܼ.
55 ܕܟ݂ܝܼܪܝܼ ܒܠܲܝܠܹܐ ܫܸܡܘܼܟ݂، ܝܵܐ ܡܵܪܝܵܐ، ܘܢܛܝܼܪܝܼ ܢܵܡܘܿܣܘܼܟ݂.