36 ܡܲܦܬܸܠܔ ܠܸܒܝܼ ܠܣܵܗܕܘܵܬܘܼ̈ܟ݂، ܘܠܵܐ ܠܩܢܵܝܬܵܐ ܛܲܢܦܬܵܐ.
37 ܡܲܥܒܸܪ ܥܲܝܢܝܼ̈ ܡ̣ܢ ܠܸܚܙܵܝܵܐ ܣܪܝܼܩܘܼܬܵܐ، ܒܐܘܼܪܚܘܼܟ݂ ܡܲܚܝܼ ܠܝܼ.
38 ܡܲܩܘܝܼ ܗܹܡܸܙܡܵܢܘܼܟ݂ ܠܪܹܓܘܼܟ݂، ܗ̇ܝ ܕܝܼܠܵܗ̇ ܕܙܵܕܹܥ ܡܸܢܘܼܟ݂.
39 ܡܲܥܒܸܪ ܡܸܢܝܼ ܠܵܘܡܝܼ ܕܟܹܐ ܙܵܕܥܹܢ ܡܸܢܹܗ، ܒܗ̇ܝ ܕܕܝܼܘܵܢܘܼ̈ܟ݂ ܛܵܒܹ̈ܐ ܝܢܵܐ.
40 ܗܵܐ، ܪܘܼܚܪܸܚ ܠܝܼ ܠܦܘܼܩܵܕܘܼ̈ܟ݂، ܒܙܲܕܝܼܩܘܼܬܘܼܟ݂ ܡܲܚܝܼ ܠܝܼ.
41 ܘܐܵܬܝܵܐ ܥܲܠܝܼ ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܘܦܘܼܪܩܵܢܘܼܟ݂، ܐܲܝܟ݂ ܩܵܘܠܘܼܟ݂،
42 ܗܵܕܟ݂ܵܐ ܕܝܵܗܒܹܢ ܓ̰ܘܼܘܵܒ ܠܠܵܝܡܵܢܝܼ، ܒܗ̇ܝ ܕܣܒܝܼܪܝܼ ܒܚܲܒܪܘܼܟ݂.
43 ܘܠܵܐ ܫܵܩܠܹܬ ܡ̣ܢ ܦܘܼܡܝܼ ܗܹܡܸܙܡܵܢ ܕܫܪܵܪܵܐ، ܣܵܒܵܒ ܠܕܝܼܘܵܢܘܼ̈ܟ݂ ܣܦܝܼܪܝܼ،
44 ܘܒܸܬ ܢܵܛܪܹܢ ܢܵܡܘܿܣܘܼܟ݂ ܐܲܡܝܼܢܵܐܝܼܬ، ܠܥܵܠܲܡ ܥܵܠܡܝܼܢ،
45 ܘܒܸܬ ܚܵܕܪܹܢ ܒܪܘܵܚܵܢܝܼ، ܒܗ̇ܝ ܕܠܦܘܼܩܵܕܘܼ̈ܟ݂ ܛܥܹܐ ܠܝܼ،
46 ܘܒܸܬ ܗܲܡܙܸܡܸܢ ܒܘܼܬ ܣܵܗܕܘܵܬܘܼ̈ܟ݂ ܩܲܕܡ ܡܲܠܟܹ̈ܐ، ܘܠܹܐ ܢܵܟ݂ܦܹܢ.
47 ܘܒܸܬ ܩܲܒܠܸܢ ܒܘܼܣܵܡܵܐ ܒܦܘܼܩܕܵܢܘܼ̈ܟ݂ ܕܡܘܼܚܸܒܵܝ ܠܝܼ،
