10 ויבטחו בך יודעי שמך כי לא עזבת דרשיך יהוה׃
11 זמרו ליהוה ישב ציון הגידו בעמים עלילותיו׃
12 כי דרש דמים אותם זכר לא שכח צעקת עניים׃
13 חננני יהוה ראה עניי משנאי מרוממי משערי מות׃
14 למען אספרה כל תהלתיך בשערי בת ציון אגילה בישועתך׃
15 טבעו גוים בשחת עשו ברשת זו טמנו נלכדה רגלם׃
16 נודע יהוה משפט עשה בפעל כפיו נוקש רשע הגיון סלה׃
17 ישובו רשעים לשאולה כל גוים שכחי אלהים׃
18 כי לא לנצח ישכח אביון תקות ענוים תאבד לעד׃
