2 זכר עדתך קנית קדם גאלת שבט נחלתך הר ציון זה שכנת בו׃
3 הרימה פעמיך למשאות נצח כל הרע אויב בקדש׃
4 שאגו צרריך בקרב מועדך שמו אותתם אתות׃
5 יודע כמביא למעלה בסבך עץ קרדמות׃
6 ועת פתוחיה יחד בכשיל וכילפת יהלמון׃
7 שלחו באש מקדשך לארץ חללו משכן שמך׃
8 אמרו בלבם נינם יחד שרפו כל מועדי אל בארץ׃
9 אותתינו לא ראינו אין עוד נביא ולא אתנו ידע עד מה׃
10 עד מתי אלהים יחרף צר ינאץ אויב שמך לנצח׃
11 למה תשיב ידך וימינך מקרב חוקך כלה׃