2 אתה ידך גוים הורשת ותטעם תרע לאמים ותשלחם׃
3 כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃
4 אתה הוא מלכי אלהים צוה ישועות יעקב׃
5 בך צרינו ננגח בשמך נבוס קמינו׃
6 כי לא בקשתי אבטח וחרבי לא תושיעני׃
7 כי הושעתנו מצרינו ומשנאינו הבישות׃
8 באלהים הללנו כל היום ושמך לעולם נודה סלה׃
9 אף זנחת ותכלימנו ולא תצא בצבאותינו׃
10 תשיבנו אחור מני צר ומשנאינו שסו למו׃
11 תתננו כצאן מאכל ובגוים זריתנו׃
12 תמכר עמך בלא הון ולא רבית במחיריהם׃
13 תשימנו חרפה לשכנינו לעג וקלס לסביבותינו׃
