11 לסיחון מלך האמרי ולעוג מלך הבשן ולכל ממלכות כנען׃
12 ונתן ארצם נחלה נחלה לישראל עמו׃
13 יהוה שמך לעולם יהוה זכרך לדר ודר׃
14 כי ידין יהוה עמו ועל עבדיו יתנחם׃
15 עצבי הגוים כסף וזהב מעשה ידי אדם׃
16 פה להם ולא ידברו עינים להם ולא יראו׃
17 אזנים להם ולא יאזינו אף אין יש רוח בפיהם׃
18 כמוהם יהיו עשיהם כל אשר בטח בהם׃
19 בית ישראל ברכו את יהוה בית אהרן ברכו את יהוה׃
20 בית הלוי ברכו את יהוה יראי יהוה ברכו את יהוה׃
21 ברוך יהוה מציון שכן ירושלם הללו יה׃
