25 בטרם הרים הטבעו לפני גבעות חוללתי׃
26 עד לא עשה ארץ וחוצות וראש עפרות תבל׃
27 בהכינו שמים שם אני בחוקו חוג על פני תהום׃
28 באמצו שחקים ממעל בעזוז עינות תהום׃
29 בשומו לים חקו ומים לא יעברו פיו בחוקו מוסדי ארץ׃
30 ואהיה אצלו אמון ואהיה שעשעים יום יום משחקת לפניו בכל עת׃
31 משחקת בתבל ארצו ושעשעי את בני אדם׃
32 ועתה בנים שמעו לי ואשרי דרכי ישמרו׃
33 שמעו מוסר וחכמו ואל תפרעו׃
34 אשרי אדם שמע לי לשקד על דלתתי יום יום לשמר מזוזת פתחי׃
