10 שמע בני וקח אמרי וירבו לך שנות חיים׃
11 בדרך חכמה הרתיך הדרכתיך במעגלי ישר׃
12 בלכתך לא יצר צעדך ואם תרוץ לא תכשל׃
13 החזק במוסר אל תרף נצרה כי היא חייך׃
14 בארח רשעים אל תבא ואל תאשר בדרך רעים׃
15 פרעהו אל תעבר בו שטה מעליו ועבור׃
16 כי לא ישנו אם לא ירעו ונגזלה שנתם אם לא יכשולו׃
17 כי לחמו לחם רשע ויין חמסים ישתו׃
18 וארח צדיקים כאור נגה הולך ואור עד נכון היום׃
19 דרך רשעים כאפלה לא ידעו במה יכשלו׃
20 בני לדברי הקשיבה לאמרי הט אזנך׃
21 אל יליזו מעיניך שמרם בתוך לבבך׃
