4 מי עלה שמים וירד מי אסף רוח בחפניו מי צרר מים בשמלה מי הקים כל אפסי ארץ מה שמו ומה שם בנו כי תדע׃
5 כל אמרת אלוה צרופה מגן הוא לחסים בו׃
6 אל תוסף על דבריו פן יוכיח בך ונכזבת׃
7 שתים שאלתי מאתך אל תמנע ממני בטרם אמות׃
8 שוא ודבר כזב הרחק ממני ראש ועשר אל תתן לי הטריפני לחם חקי׃
9 פן אשבע וכחשתי ואמרתי מי יהוה ופן אורש וגנבתי ותפשתי שם אלהי׃
10 אל תלשן עבד אל אדנו פן יקללך ואשמת׃
11 דור אביו יקלל ואת אמו לא יברך׃
