5 עד שקרים לא ינקה ויפיח כזבים לא ימלט׃
6 רבים יחלו פני נדיב וכל הרע לאיש מתן׃
7 כל אחי רש שנאהו אף כי מרעהו רחקו ממנו מרדף אמרים לא המה׃
8 קנה לב אהב נפשו שמר תבונה למצא טוב׃
9 עד שקרים לא ינקה ויפיח כזבים יאבד׃
10 לא נאוה לכסיל תענוג אף כי לעבד משל בשרים׃
11 שכל אדם האריך אפו ותפארתו עבר על פשע׃
12 נהם ככפיר זעף מלך וכטל על עשב רצונו׃
13 הות לאביו בן כסיל ודלף טרד מדיני אשה׃
14 בית והון נחלת אבות ומיהוה אשה משכלת׃
