8 חכמת ערום הבין דרכו ואולת כסילים מרמה׃
9 אולים יליץ אשם ובין ישרים רצון׃
10 לב יודע מרת נפשו ובשמחתו לא יתערב זר׃
11 בית רשעים ישמד ואהל ישרים יפריח׃
12 יש דרך ישר לפני איש ואחריתה דרכי מות׃
13 גם בשחוק יכאב לב ואחריתה שמחה תוגה׃
14 מדרכיו ישבע סוג לב ומעליו איש טוב׃
15 פתי יאמין לכל דבר וערום יבין לאשרו׃
16 חכם ירא וסר מרע וכסיל מתעבר ובוטח׃
17 קצר אפים יעשה אולת ואיש מזמות ישנא׃
18 נחלו פתאים אולת וערומים יכתרו דעת׃
19 שחו רעים לפני טובים ורשעים על שערי צדיק׃
