9 ויען נקדימון ויאמר אליו איכה תהיה כזאת׃
10 ויען ישוע ויאמר אליו רבן של ישראל אתה וזאת לא ידעת׃
11 אמן אמן אני אמר לך כי את אשר ידענו נדבר ואת אשר ראינו נעיד ואתם לא תקבלו עדותנו׃
12 אם אמרתי אליכם דברי הארץ ואינכם מאמינים איך תאמינו באמרי אליכם דברי השמים׃
13 ואיש לא עלה השמימה בלתי אם אשר ירד מן השמים בן האדם אשר הוא בשמים׃
14 וכאשר הגביה משה את הנחש במדבר כן צריך בן האדם להנשא׃
15 למען לא יאבד כל המאמין בו כי אם יחיה חיי עולמים׃
