9 Uning aldida yerni keng achting; U chongqur yiltiz tartip, pütün zémin'gha yéyildi.
10 Uning sayisi taghlarni qaplidi; Gholliri qudretlik kédir derexliridek östi;
11 U shaxlirini déngizghiche, Pileklirini Efrat deryasi boylirighiche uzartti.
12 Sen némishqa uning qashalirini buzup, Méwisini ötüp kétiwatqanlarning üzüp élishigha yol qoydung?
13 Mana ormanliqtiki yawa tongguzlar uni yériwatidu, Daladiki haywanatlar uningdin ozuqlinidu.
14 I samawiy qoshunlarning Serdari bolghan Xuda, Sendin ötünimizki, Yénimizgha qaytqaysen! Ershtin halimizgha nezer salghaysen, Kélip bu üzüm télidin xewer alghaysen!
15 Yeni ong qolung tikken bu yiltizdin, Özüng üchün mezmut yétishtürgen bu oghlungdin xewer alghaysen!