4 Ліхадзей слухае вусны беззаконных, ілгун слухаецца вуснаў беззаконных.
5 Хто ганіць убогага, той ганіць Госпада ягонага; хто радуецца няшчасьцю, той не застаецца без пакараньня.
6 Вянок старых - сыны сыноў, і словы дзяцей - бацькі іхнія.
7 Ня прыстоіць неразумнаму важная прамова, тым болей знакамітаму - вусны ілжывыя.
8 Хабар - каштоўны камень у вачах таго, хто валодае ім; куды ні зьвернецца ён, яму шчасьціць.
9 Хто прыкрывае правіну - шукае любові; а хто зноў нагадвае пра яе, той праганяе сябра.
10 На разумнага мацней дзее вымова, чым на неразумнага сто ўдараў.
11 Злосьнік шукае толькі зла; таму жорсткі анёл будзе пасланы супраць яго.
