3 Me mâmâc jaha qapie dâŋehapire kikefuŋ jaŋe manarâ tutumaŋ qoruc bozere motâcko gorao fisinʒepieŋ.
4 Me qeŋ mocjaha sawa qapie dâŋeme ine Israe ŋic gurune gurune jaŋere micnefâc jaŋe sawa gorao tumaŋnenʒepieŋ.
5 Ŋoŋe qeŋ bâsokahuc qapie ine ŋic ʒoaŋ wewefunaopec teuŋ âterâ ŋec foc eeŋgopieŋ jaŋe fuŋkerâ hatackenʒepieŋ.
6 Eme qeŋ bâsokahuc qapie arec jajahec eme ine juwic mâreŋkopec ŋec foc eeŋgopieŋ jaŋe hatackenʒepieŋ.
7 Kikefuŋ hetumaŋ‐jopaniŋte qeŋ bâsokahuc mâcne, bâpitiwahuc qanʒepieŋ.
8 Qeŋte dâŋ mukopac izi ŋoŋerao mimiŋzi ɋâric dâŋsanaŋ erâ forahuc juzejec.
