23 bulimakao wokemaŋ sâkohec 10 erâ bulimakao sapa sâkoonec 20, erâ lama 100. Erâ wâc kâte qowi gâcne nânâne â qâqâc wiac wokemaŋ sâkohec mâmâc.
24 E Eufrata opâ ʒiŋucpec Tifisa haeonec fuŋkerâ raku Gaza haeo tarakac mâreŋ ŋondeŋ ira ŋicwofuŋ jurambiŋ jaŋe soŋaŋ‐jopa‐fârewec. Ehame ŋifec â ŋifec jumbiŋ jaŋerao wâc wama sâko fowec.
25 Ehame Juda â Israe kikefuŋ jaŋe Salomozi juwec sâc Daŋ mâreŋkonec huraku Bere‐Seba haeo tarawec ŋondeŋ ira mana mezac tâmiric juhuc waiŋ gie â jâmbo jufu wiac‐jeŋic soŋaŋkehuc jumbiŋ.
26 Eme Salomo e keretac fâfâre becâsic 40 tauseŋ domacnembiŋ erâ becâsicko rara momori ŋic 12 tauseŋ jucnembiŋ.
