9 Eman chon pwärätä mi apasatä mine a mwäl lon kapwüng epwe fokun angei liwinin an föför, nge eman mi kapas chofana epwe feiengau.
10 Esap öchiti eman mi tiparoch pwe epwe fokun pisekisek, nge esap fokun öchiti eman amanau pwe epwe nemeni samol.
11 Mirit a alisi eman aramas pwe epwe mang ngeni song, nge eman a iteüöch are esap ekieki mine eman a föri ngeni.
12 Än eman king lingeringer a usun chök wörüwörün eman laion, nge an ümöümöch a usun chök amurenipwin won ekewe fetil.
13 Eman nau mi tiparoch a atoto feiengau won saman, nge än pwülüen eman mwän souanini a usun chiin üt mi püng fochofoch.
14 Eman mwän a tongeni angei imwan me pisekin me won saman, nge ewe Samol mi Lapalap chök a tongeni awora eman pwülüan mi mirit.
15 Chipwang a eselipato möürüchou, nge eman aramas esap mochen angang epwe echik.
16 Eman aramas mi aleasochisi än Kot allük a tümwünü manauan, nge eman mi turunufasei an kapas epwe mäla.
17 Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.
