Zone 12:3-8

³Meke vagia Mere sa oela nadi viana sapu humaṉa lea, padana keke kukuru lita, sapu sage hola hinoluna, meke zoropo nia sa pa nenena Zisu, meke ṉuzapa va popa nia kaluna sa, ke sa humaṉa lea si tivusu toa pa doduruna sa vetu.

⁴Ba keke ri kasa disaepeli te Zisu, sapu e Ziudasi Isikarioti, sa tie sapu kote qoraqora nia si Asa, si zama,

⁵“Sa oela humaṉa lea hie si padana pude holuholu nia pa ṉeta gogoto poata siliva, meke poni koari na tie habahuala.”

⁶Zama gua mo si asa, ba lopu tataru ni sa saripu habahuala, sina na tie hikohiko si asa. Asa tugo kopu nia sa vovoina poata, meke hoke vagi golomo nana.

⁷Ba zama se Zisu, “Vekoa tu, mani tavetia; pude na vina namanamana sa rane kote ta pomunae si Rau.

⁸Sari na tie habahualadi si kote koa koa gamu doduru totoso, ba Arau si lopu kote koa hola seunae koa gamu,” gua se Zisu.