Zinama Tumatumae 9:7-14

⁷Asa pu norea sa tie pesipesi hoboro si aqa ta ruba mo; asa pu la tokea sa tie kaleana si aqa ta ṉovala mo.

⁸Mu lopu norea sa tie pesipesi hoboro, na kote kana igo sa; ba tokea sa tie gilagilana, meke kote tataru nigo sa.

⁹Tarae nia sa tie gilaena, mani gilae nono latu si asa; va tumatumae ia sa tie toṉoto meke kote tumae lala nana si asa.

¹⁰Sa pinamaṉana e Zihova si na pinodalaena sa ginilagilana lohina, meke pude tumae nia sa Tamasa Hopena si na ginilae.

¹¹Ura mi ene gua koa rau, pude soku sari mia rane, meke soku vuaheni si kaqu ta tomo atu pa mia tinoa.

¹²Be gilae si goi, sa mua ginilagilana lohina kote pia igo; ba pana kilu au goi, si telemu mo kote ṉovala pule nigo.”

¹³Sa barikaleqe, sapu e Duvili pozana si vevehe hola; na lopu tumae balabala si asa meke loketoṉa gilania.

¹⁴Habotu si asa pa sasada koasa nana vetu, babe pa keke vasina ululuna koasa vasileana,