Zinama Tumatumae 7:5-14

⁵Arini kote kopu va seu igo koasa barikaleqe barabaratana, koari na zinama lomolomosodi tanisa votiki barikaleqe.

⁶Koasa vuida pa qua vetu si hopiki vura si rau.

⁷Dogoria rau koari na tie pu lopu ele gilagilana, va nonoga ia rau koari na tie tiqe toqolo sagedi, si keke tie vaqura sapu lopu tumae balabala valeana.

⁸Ene lulia sa sa siraṉa, tata la koasa vasina koa sa barikaleqe asa, ene la gua pa siraṉa la koasa vetu tanisa,

⁹pana veluvelu sipu podalae ibu sa rane, totoso podalae huporo sa popoa.

¹⁰Totoso asa si vura si keke barikaleqe pude tutuvia, pokopoko guana keke maqota meke koa ia na hiniva pude vorivoriti.

¹¹Na mataqarana si asa meke loke nana kinurekure, meke lopu nosona pa vetu si asa;

¹²ele koa aqa pa sisiraṉa, ele pa maketi tu, ele pa kaiqa hukihukiridi, gua mo si asa.

¹³Ṉaza vagia sa sa koreo meke aho ia, meke doṉo toṉoto la ia sa isumatana meke zama:

¹⁴“Vukivukihi binaere si tavetia rau ṉinoroi, meke sari masa kurukuru koasa vinukivukihi si koa dia pa vetu; ele va hokoti rau sari qua tinokotokoro nabudi koe Tamasa!