Zinama Tumatumae 7:13-21

¹³Ṉaza vagia sa sa koreo meke aho ia, meke doṉo toṉoto la ia sa isumatana meke zama:

¹⁴“Vukivukihi binaere si tavetia rau ṉinoroi, meke sari masa kurukuru koasa vinukivukihi si koa dia pa vetu; ele va hokoti rau sari qua tinokotokoro nabudi koe Tamasa!

¹⁵Ke vura mae si arau pude tutuvu igo; hata igo rau meke kamahire dogoro vagi igo!

¹⁶Ele ivaria rau sa qua teqe pa poko visoviso mae guana pa Izipi.

¹⁷Va humaṉa lea ia rau sa qua teqe koari na oto huda moa, na huda humaṉa lea na sinamoni na aloesi na gua.

¹⁸Aria mada hata ia sa tataru kamoa munumunu; mada vari qetuqetue nada mo.

¹⁹Sa qua palabatu si lopu koa pa vetu; taloa si asa pa keke inene gelena.

²⁰Paleke va soku poata si asa meke totoso hobe rimata tu si kote pule mae si asa.”

²¹Zama va malohoria sa barikaleqe meke turaṉa vagia; koari nana zinama vina lomolomoso si saputu vagia sa.