Zinama Tumatumae 31:1-8

¹Na zinama tumatumae te baṉara Lemueli sapu tarae nia sa tinana koa sa:

²Kei tuqu, kei tuqu koreo sapu podo soti igo rau, kei tuqu, sa inolaṉa pa qua vinaravara.

³Mu lopu oki pania koari na barikaleqe sa mua ṉiniraṉira, na mua totoso arilaedi koarini pu ṉoṉovali sari na baṉara.

⁴Lemueli, na lopu tadi baṉara sapu hire: lopu tadi na baṉara si pude napo vaeni, lopu tadi tie tuturaṉa si pude ehaka nia sa bia,

⁵ura, be guana naponapo si kote muliṉi nia rini sapu sa gua sa tinarae, meke sekei sari vina toṉoto koari tie ta ṉoṉovaladi.

⁶Poni bia sarini pu korapa tata mate, na vaeni koarini pu kuliusu;

⁷Madi napo pude muliṉi ni rini sari dia hinabahuala meke lopu balabala i sari dia tinasigiti.

⁸Zama poni sari habahuala pu lopu boka zama puleni, zama ni sari tinoṉoto tadi kasa pu loke dia poata.