Text copied!
CopyCompare
Buka Hope - Zinama Tumatumae - Zinama Tumatumae 28

Zinama Tumatumae 28:11-19

Help us?
Click on verse(s) to share them!
11Sa tie tagotago si gilaena, gua si asa, ba sa tie malaṉa pu gilagilana boka dogoro vagia mo gua sapu hinokara.
12Totoso bokaboka sa tie toṉoto si qetuqetu sari na tie; ba totoso vagi ṉiniraṉira sari na tie kaleadi, si la tome sari tie.
13Asa pu tomei sari nana sinea si lopu koa va leana, ba asa pu helahelae ni meke veko pani si ta taleosae koe Tamasa.
14Mani tamanae sa tie pu pamaṉa nia doduru totoso se Zihova, ba asa pu korona pa bulona si kamo la pa tinasuna.
15Guana laione kurumuna babe na totorona sa bea sa tie kaleana pu baṉara ni sari tie si ṉoṉovala.
16Na baṉara sapu ṉoṉovala si loke nana ginilagilana, ba asa pu kilui sari tinago hinikodi si kote toa va seunae.
17Asa pu va mate tie si ta sigiti nia sa sinea pa nana binalabala meke kote koa gua lamo asa osolae mate; mani loke tie la toka nia.
18Asa pu ene pa tinoṉoto si kote ta kopue, ba asa pu lopu leana sa nana hahanana si kote lopu sana hoqa.
19Asa pu tavetavete nia sa nana pepeso si kote soku gana ginani, ba asa pu koa va gulegulea si kote kamo habahuala.

Read Zinama Tumatumae 28Zinama Tumatumae 28
Compare Zinama Tumatumae 28:11-19Zinama Tumatumae 28:11-19