Zinama Tumatumae 27:15-23

¹⁵Na barikaleqe nominomi si guana honihoni pa vetu totoso rukuruku.

¹⁶Sa vina nosona si guana vina nosona sa givusu, babe guana taṉini vagi oela pa lima.

¹⁷Gua sapu sa aeana va ṉarua sa aeana, sa tie va tumatumae ia sa si keke tie pule.

¹⁸Asa pu kopu nia sa huda piqi si kote hena ia tugo sa vuana, meke sa nabulu pu kopu nia sa nana palabatu si kaqu tava lavata.

¹⁹Gua sapu dogoria goi sa isumatamu pa kolo, sa bulona sa tie si ta dogoro koasa tie.

²⁰Na minate meke na tinahuara si lopu boka deṉa, meke gua tugo sa matana sa tie.

²¹Na siliva meke qolo si tava via pa nika, ba sa tie si ta podeke koari na vinahesi pu vagi sa.

²²Be nuqaria goi sa tie pekipeki pa hao, guana talo sapu nuqara nia tutu goi, ba lopu kote boka vari paqaha nia goi si asa koasa nana dinuviduvili.

²³Kaqu tumae nia goi vegua sari mua sipi na qoti, mamu kopu valeanani sari mua bulumakao;