Zinama Tumatumae 24:17-29

¹⁷Mu lopu qetu pana hoqa sa mua kana; pana ta tubarae si asa, si mu lopu va qetua sa bulomu,

¹⁸na kote dogoria e Zihova meke lopu va egoa meke kote rizua Sa sa Nana tinaṉaziri koasa.

¹⁹Mu lopu balabala mamata ni sari na tie pu tavete va kaleana babe okoro ni sari dia tinago,

²⁰ura sari tie kaleadi si loke dia lineana pa vugo na repere, meke sa zuke tadirini si kote tava mate.

²¹Tuqu, mu pamaṉa nia se Zihova meke sa baṉara, meke lopu somana ni saripu lopu hiva va tabe la koa rini,

²²ura ari karua boka garunu va hodaka la tinahuara koari kasa. Na esei kote boka gilania sa tinasuna kote va kamo la nia ri karua koa rini?

²³Hire tugo si kaiqa zinama ginilae: Pude tokatoka kale pa totoso vari pitui si lopu leana.

²⁴Asa pu zama koasa tie koa ia sinea, “Agoi si toṉoto mua” si kote leve nia rina tie si asa meke kilua rina butubutu.

²⁵Ba kote ta qetue si arini pu va kilasi sarini pu tavete sea, meke na minana si kote kamo la koa rini.

²⁶Na inolaṉa hinokarana si variva qetu hola.

²⁷Va hokotia sa mua tinavete pa sada, meke va nama ni sari na mua inuma; beto asa si mu kuria sa mua vetu.

²⁸Mu lopu va sosode hoboro la koasa turaṉamu, babe kokoha nia sa berumu.

²⁹Mu lopu zama, “Kaqu tavete la nia rau koasa gua sapu tavete mae nia sa koa rau; kaqu hobequ si arau.”