Zinama Tumatumae 23:25-35

²⁵Mani qetu sari tiatamamu; mani qetu sa barikaleqe pu podo igo.

²⁶Tuqu va mae ia sa bulomu, meke sari matamu si mani doṉo luli sari qua hahanana.

²⁷Ura na maqota si na pou lohina, meke na barikaleqe barabaratana si na berukehe variva mate.

²⁸Tome aqa guana tie hikohiko si asa, meke va soku i sa sari na tie pu loke dia rinaṉeraṉe.

²⁹Esei si ta sigiti? Esei si talotaṉa? Esei si tasuna? Esei si nominomi? Esei si bakora hoboro? Esei si ziṉara matana?

³⁰Arini pu qetuqetu nia sa napo vaeni, pu la podeki sari soku votivotiki vaeni.

³¹Mu lopu doṉo totoa sa vaeni pana ziṉara si asa, totoso pinoro sa pa korapa kapa, meke totoso onolo gore sa.

³²Pa vina betona si kote garata guana noki meke hilili guana kukuasa si asa.

³³Sari matamu si kote dogoro hoboro tiṉitoṉa variva pupuhudi, meke kote zama ni ginugua bonidi pa bulomu.

³⁴Kote guana keke tie putamu pa lamana si goi, puta panaulu koari na iku pa dedegere vaka tepetepe.

³⁵“Tupa au rini,” kote gua si goi; “ba lopu sigitau! Komitau rini, ba lopu va nonoga ia rau! Totoso sa si kote vaṉunu rau pude qu hata pule napo?” kote gua.