Zinama Tumatumae 18:3-13

³Pana kamo sa kinaleana si kamo tugo sa kinurekure, meke koasa kinurekure si kamo sapu tava sisirei.

⁴Sari zinama pa ṉuzuna sa tie gilae si guana lamana peava, ba sa bukahana sa ginilagilana si guana tototolo.

⁵Lopu leana pude va kalekale la koasa tie kaleana babe ponia vinilasa seana sa tie toṉotona.

⁶Na beru tanisa tie duviduvili si va kamo pule nia tinasuna sa, meke sa ṉuzuna si ta seke nia sa.

⁷Sa ṉuzuna sa tie pekipeki va kamoa sa nana tinahuara, meke sa beruna sa si na sipata tanisa.

⁸Sari zinama nanae si guana ginani lomosodi, ta onolo gore kamo la pa korapa tinina sa tie.

⁹Asa pu malohoro pa nana tinavete si na tasina sa tie huhuara.

¹⁰Sa pozana e Zihova si na vetu ululuna na ṉiṉirana, saripu toṉoto si haqala la vasina pude tome koari kana.

¹¹Sa tie tagotago si hiva ta harupu koari nana tinagotago; balabala guni nia sa na goba sapu lopu boka ta haele.

¹²Sipu lopu ele hoqa sa si vahesi pule nia pa bulona, ba vina pepekae si kekenu meke tiqe sa vina lavata.

¹³Pude olaṉa va kenue sipu lopu ele va avoso si na dinuviduvili meke variva kurekure.