Zinama Tumatumae 17:1-7

¹Na leana tu sa hena bereti popana pa binule, hola nia sa vetu sapu inevaṉa lamo, turaṉae ninominomi.

²Na nabulu gilaena kote kopu nia sa koburu tavia sapu variva kurekurena, meke kote vagi nana hinia guana keke mo koari kasa tamatasi koreo.

³Na nika va kolo i sari siliva na qolo pude va via i, ba e Zihova podeki sari na bulo.

⁴Na tie kaleana si va avoso la koarini pu kaleana berudi; na tie kokoha va taliṉa la i sarini pu sekesekei meadi.

⁵Asa pu va sisire nia sa tie malaṉa si zama va gorea si Asa pu tavetena, meke asa pu qetu totoso kamo sa tinasuna koari kaiqa si kaqu tava kilasa.

⁶Sari tudia ri na tuna si na qinetuqetu tanisa barogoso, meke sari na kaleqe na barogoso si na vinahesi tadi koburu.

⁷Na tie bokaboka pa zama si lopu goto la koasa pu pekipeki, gua tugo sa beru kokoha koasa baṉara.