Zinama Tumatumae 12:5-15

⁵Sari hiniva tadi tie toṉoto si gotogoto, ba sari binalabala vari tokae tadi tie kaleadi si na sinekesekei.

⁶Sari zinama tadi na tie kaleadi si variva mate, ba sari na zinama tadi tie toṉoto si variharupi.

⁷Sari tie kaleadi si kamoi tinasuna meke lopu ta dogoro pule, ba sa vetu tadi tie toṉoto si turu va nabu.

⁸Na tie si ta vahesi, luli gua koari nana ginilagilana lohidi, ba sarini pu kaleana dia binalabala si ta hakohakoe.

⁹Leana hola si pude lopu ta gilana ba tago mua nabulu, hola nia pude va sagesage pule nia ba loke gana ginani.

¹⁰Sa tie toṉoto si kopu va leana ni sari nana kurukuru, ba sari tataru tadi tie kaleadi si na ṉinovaṉovala.

¹¹Asa pu tavetavete nia sa nana pepeso si kote soku gana ginani, ba asa pu koa va gulegulea si lopu tumae balabala.

¹²Sari tie kaleadi si okoro ni sari tiṉitoṉa tadi na tie hikohiko, ba sa karoso tadi tie toṉoto si toa va leana.

¹³Sa tie kaleana si sipata pule nia koari nana zinama, ba sa tie toṉoto si ilolae taloa nana koa sa tinasuna.

¹⁴Na vua tadi nana zinama leadi si kamo koa sa, gua tugo sari tinavete leadi pa limana si ta pia ni sa.

¹⁵Sa hahanana tanisa tie duvili si toṉoto pa nana binalabala, ba sa tie gilae si va avoso la pa vina balau.