Zinama Tumatumae 12:14-21

¹⁴Na vua tadi nana zinama leadi si kamo koa sa, gua tugo sari tinavete leadi pa limana si ta pia ni sa.

¹⁵Sa hahanana tanisa tie duvili si toṉoto pa nana binalabala, ba sa tie gilae si va avoso la pa vina balau.

¹⁶Sa tie duvili si tuturei bugoro, ba sa tie gilae si avoso pani sari zinama ṉoṉovala.

¹⁷Sa tie va sosode hinokarana si tozi sa gua sapu hinokara, ba sa tie va sosode sekesekeina si koha tugo si tozi sa.

¹⁸Na zinama haluhalue si suvulu guana hopere, ba sa mea tanisa tie gilae si ibu nia sa bakora.

¹⁹Zinama hinokaradi si koa hola, ba sa mea kokohana si pa totoso papakana mo.

²⁰Na koai sinekesekei bulodi saripu balabala pude tavete va kaleana, ba na qinetuqetu si tadirini pu zama nia sa binule.

²¹Loke ginugua kaleadi si kote ta evaṉa koa rini pu toṉoto, ba sari tie kaleadi si kote siṉi i na tinasuna.