Zinama Tumatumae 11:16-22

¹⁶Sa barikaleqe pu koa ia tataru bulona si ta pamaṉae, ba sari na tie ṉoṉovala si na tinagotago mo si vagia sa.

¹⁷Sa tie tataru si na lineana si vagia sa, ba sa tie ṉoṉovala si va tinasuna pule nia.

¹⁸Sa tie kaleana si hoke vagi tinabara sapu kokohadi, ba asa pu letea sa tinoṉoto si kaqu paketia sa vua hinokarana.

¹⁹Sa tie sapu turu va nabu pa tinoṉoto si kaqu vagia sa tinoa, ba sa tie sapu luli sari tinavete kaleadi si hata mate.

²⁰E Zihova si etuli na va kari saripu boni bulodi, ba qetu hola ni Sa saripu tavete va leana.

²¹Mi gilana valeania sapu hie: Sari tie kaleadi si kaqu tava kilasa, ba arini pu toṉoto si kaqu ta rupaha.

²²Guana riṉi qolo pa isuna sa boko, sa barikaleqe leleana sapu lopu tumae balabala.