Zinama Tumatumae 10:18-24

¹⁸Asa pu tomea sa kinukiti si na tie kokoha, meke asa pu zama va kaleana ia si keke tie si na tie duvili.

¹⁹Pana soku sari zinama, si kamo mo sa kinaleana, ba gilae sa tie pu kopu nia sa meana.

²⁰Sa meana sa tie toṉoto si guana siliva viana, ba sa bulona sa tie kaleana si loke laena.

²¹Sa beruna sa tie toṉoto si na minana koari soku tie, ba sa tie duvili si loke nana binalabala leadi.

²²Sa minana te Zihova si va tagotago tie, meke lopu va somana nia tinasuna Sa.

²³Na tie duvili mo si qetu ni sari na tinavete kaleadi, ba sa tie sapu gilae si qetu nia sa ginilagilana lohina.

²⁴Sapu matagutu nia sa tie kaleana si kote raza nana mo koasa; ba sapu okoro nia sa tie toṉoto si kote ta poni nia sa.