Zebur 78:44-51

⁴⁴U Misirliqlarning deryalirini, éqinlirini qan'gha aylandurup, Ularni ichelmes qilip qoydi;

⁴⁵Ularning arisigha neshterlik chiwinlarni top-topi bilen ewetti, Halak qilar paqilarni mangdurdi;

⁴⁶Ularning ziraetlirini képinek qurtlirigha tutup bérip, Mehsulatlirini chéketkilerge berdi;

⁴⁷Üzüm tallirini möldür bilen urdurup, Enjürlirini qiraw bilen üshshütiwetti.

⁴⁸U kalilirini möldürge soqturup, Mallirini chaqmaq otlirida köydüriwetti.

⁴⁹U ulargha ghezipining dehshetlikini — Qehrini, achchiqini hem éghir külpetlerni, Balayiapet élip kélidighan bir türküm perishtilernimu chüshürdi.

⁵⁰U Öz ghezipi üchün bir yolni tüzlep qoydi; Ularning jénini ölümdin ayimay, Belki hayatini wabagha tapshurdi;

⁵¹U Misirda barliq tunji tughulghan balilarni, Hamning chédirlirida ularning ghururi bolghan tunji oghul balilirini qiriwetti.