Zebur 68:10-15

¹⁰Séning baqqan padang u yerge makanlashti; Méhribanliqing bilen möminler üchün teyyarliq qilding, i Xuda!

¹¹Reb emr qildi; Uni jakarlighuchi qiz-ayallar némidégen zor bir qoshundur!

¹²«Padishahlar hem qoshunliri beder qéchishti, beder qéchishti!» — déyishti; Öyde olturghan qiz-ayallar bolsa oljilarni bölishiwalidu;

¹³Siler qoy baqqanda padilar arisida yatqan bolsanglarmu, Zémininglar emdi qanatlirigha kümüsh sepken, Peyliri parqiraq altun bilen bézelgen paxtektek bolidu;

¹⁴Hemmige Qadir Xuda padishahlarni zéminda tiripiren qiliwetkende, Yer Zalmon téghidiki qardek aqirip ketti.

¹⁵Bashan téghi qudretlik bir tagh, Bashan téghi égiz choqqiliri köp bir taghdur;