Zebur 38:14-22

¹⁴Berheq, men angliyalmaydighan gaslardek bolup qaldim; Aghzimda qilidighan reddiye-tenbih yoq.

¹⁵Chünki ümidimni Sen Perwerdigargha baghlidim; Reb Xudayim, Sen iltijayimgha ijabet qilisen.

¹⁶Chünki men: — «Ular méning üstümge chiqip maxtanmighay; Bolmisa, putlirim téyilip ketkende, ular shadlinidu» — dédim men.

¹⁷Chünki men deldengship, tügishey dep qaldim, Azabim köz aldimdin ketmeydu.

¹⁸Chünki men öz yamanliqimni iqrar qilimen; Gunahim üstide qayghurimen.

¹⁹Lékin düshmenlirim jushqun hem küchlüktur; Qara chaplap, manga nepretlen'genlerning sani nurghundur.

²⁰Wapagha japa qilidighanlar bolsa, men bilen qarshilishidu; Chünki men yaxshiliqni közlep, intilimen.

²¹I Perwerdigar, mendin waz kechmigeysen! I Xudayim, mendin yiraqlashmighaysen!

²²I Reb, méning nijatliqim, Manga chapsan yardem qilghaysen!