Zebur 34:10-22

¹⁰|כ| Küchlük arslanlar ozuqsiz qélip ach qalsimu, Emma Perwerdigarni izdigüchilerning héchbir yaxshi nersisi kem bolmas.

¹¹|ל| Kélinglar balilirim, manga qulaq sélinglar; Men silerge Perwerdigardin eyminishni ögitip qoyay.

¹²|מ| Hayatni etiwarlaydighan kishi kim? Kimning uzun we yaxshi künlerni körgüsi bar?

¹³|נ| Undaqta tilingni yamanliqtin tartip yür, Lewliring mekkarliqtin néri bolsun;

¹⁴|ס| Yamanliqtin ayrilip yiraq bolup, güzel emellerni qilip yür; Aman-xatirjemlikni izdep, uni qoghlap yür.

¹⁵|ע| Perwerdigarning közi heqqaniylarning üstide turidu, Uning quliqi ularning iltijalirigha ochuq turidu;

¹⁶|פ| Perwerdigarning chirayi rezillik qilghuchilargha qarshi chiqar, Ularning herqandaq nam-xatirilirini yer yüzidin élip tashlar;

¹⁷|צ| Heqqaniylar iltija qilidu, Perwerdigar anglaydu, ularni barliq azab-musheqqetliridin qutquzidu;

¹⁸|ק| Perwerdigar köngli sunuqlargha yéqindur, Rohi ézilgenlerni qutquzidu.  

¹⁹|ר| Heqqaniylar duch kelgen awarichilikler köptur; Biraq Perwerdigar ularni bularning hemmisidin qutquzidu.

²⁰|ש| U heqqaniyning söngeklirini saq qalduridu, Ulardin birsimu sunup ketmeydu.

²¹|ח| Yamanliqning özi rezillerni öltüridu; Heqqaniylargha nepretlinidighanlar gunahta qalidu.

²²|פ| Perwerdigar Öz qullirining janlirini bedel tölep hörlükke chiqiridu; Uninggha tayan'ghanlardin héchkimge gunah békitilmeydu.