Zebur 135:9-21

⁹U alametlerni, möjizilerni aranglargha ewetti, i Misir; Pirewn we uning hemme qulliri üstige ewetti.

¹⁰U ulugh ellerni uruwetti, Qudretlik padishahlarni öltürüwetti;

¹¹Amoriylarning padishahi Sihonni, Bashanning padishahi Ogni, Qanaandiki barliq padishahliqlarni uruwetti.

¹²Ularning zéminini miras qilip, Öz xelqi Israilgha miras bolushqa teqdim qildi.

¹³Séning naming, Perwerdigar, menggüge, Shöhret-xatireng dewrdin-dewrgichidur.

¹⁴Chünki Perwerdigar Öz xelqining dewasini soraydu; Öz qullirigha rehim qilidu.

¹⁵Ellerning butliri bolsa peqetla kümüsh-altundin ibarettur, Ularni insanning qolliri yasighandur, xalas.

¹⁶Ularning aghzi bar, biraq sözlimeydu; Közliri bar, biraq körmeydu;

¹⁷Qulaqliri bar, biraq anglimaydu, Aghzida héch nepes yoqtur.

¹⁸Ularni yasighanlar ulargha oxshap qalidu, Ulargha tayan'ghanlarmu shundaqtur.

¹⁹Israil jemeti, Perwerdigargha teshekkür-medhiye qayturunglar; Harun jemeti, Perwerdigargha teshekkür-medhiye qayturunglar;

²⁰Lawiy jemeti, Perwerdigargha teshekkür-medhiye qayturunglar; Perwerdigardin qorqidighanlar, Perwerdigargha teshekkür-medhiye qayturunglar!

²¹Yérusalémda makanlashqan Perwerdigargha Ziondin teshekkür-medhiye éytilsun! Hemdusana!