Zebur 135:4-16

⁴Chünki Yah Yaqupni Öziningki bolushqa, Israilni Öz mirasi bolushqa talliwaldi.

⁵Chünki özüm bilimenki, Perwerdigar ulughdur; Rebbimiz barliq ilahlardin üstündur.

⁶Perwerdigar néme ishni muwapiq körgen bolsa, U asmanlarda, Zéminda, Déngizlarda hem uning barliq tegliridimu shuni qilghandur.

⁷U yer chetliridin bulut-tumanlarni örlitidu; Yamghurlargha chaqmaqlarni hemrah qilidu; Shamalni Öz xeziniliridin chiqiridu.

⁸U Misirdiki tunji oghullarni halak qildi, Insanlarning bolsun, haywanlarning bolsun hemmini urup halak qildi.

⁹U alametlerni, möjizilerni aranglargha ewetti, i Misir; Pirewn we uning hemme qulliri üstige ewetti.

¹⁰U ulugh ellerni uruwetti, Qudretlik padishahlarni öltürüwetti;

¹¹Amoriylarning padishahi Sihonni, Bashanning padishahi Ogni, Qanaandiki barliq padishahliqlarni uruwetti.

¹²Ularning zéminini miras qilip, Öz xelqi Israilgha miras bolushqa teqdim qildi.

¹³Séning naming, Perwerdigar, menggüge, Shöhret-xatireng dewrdin-dewrgichidur.

¹⁴Chünki Perwerdigar Öz xelqining dewasini soraydu; Öz qullirigha rehim qilidu.

¹⁵Ellerning butliri bolsa peqetla kümüsh-altundin ibarettur, Ularni insanning qolliri yasighandur, xalas.

¹⁶Ularning aghzi bar, biraq sözlimeydu; Közliri bar, biraq körmeydu;